Si ta zbusësh zemrën tënde ?
Mos lejo që zemra jote të zbutet me diçka më shumë se sa me Kur’an . Vallahi! Nëse dëgjon me mijra ligjërata nuk krahasohen me një ajet nga libri i Allahut .
Allahu i madhëruar Thotë :
“ Ata që e mohuan Kur’anin kur u erdhi janë të marrë; ai është një libër ngadhënjyes (i pashoq).
Atij nuk mund t’i mvishet e pavërteta nga asnjë anë; është i zbritur prej të Urtit, të Lavdishmit.
Ty nuk po të thuhet tjetër përveç asaj që u është thënë të dërguarve para teje. Vërtet, Zoti yt është ai që falë, po është edhe Ai që ndëshkon rëndë. “[1]
Besimtarit nuk i bën dobi diçka më shume se sa kënaqësia e Allahut . Kënaqësia e Allahut nuk arrihet me diç pos me dashurin ndaj fjalëve të Allahut .
Ajo që është më madhështore që Allahu i ka cilësuar robërit e tij me tri cilësi. Lusim Allahu që t’na begatoj me to :
“..të cilëve kur u lexohen ajetet e Tij 1)
- Frikësohen zemrat e tyre .
- Rrëqethja e lëkurave .
- Rrjedhin lotët e tyre .
Allahu i madhërishëm Thotë :
“ . Këta (të përmendur) ishin që All-llahu i gradoi nga pejgamberët pasardhës të Ademit, prej pasardhësve të atyre që i patëm bartur (në anije) bashkë me Nuhun, prej pasardhësve të Ibrahimit dhe të Jakubit (Israilët), dhe prej atyre që i udhëzuam dhe i bëmë të zgjedhur; kur u lexoheshin atyre ajetet e Zotit, binin në sexhde dhe qanin. “[2]
Gjërat vijnë me përpjekje. Ajo më e mira që njeriu e mëson vetën është që të zgjohet natën dhe të lexon ajetet nga libri i Allahut ku Allahu ka Lavdëruar Veten dhe Madhëruar .
Nuk ka diç më madhore dhe më efekte se ajo që Allahu e Madhëruar Vetën e Tij dhe na ka njoftuar rreth Madhërisë së Tij.
Pasiqë :
-Nuk ka kush që është më i madh se Allahu
-Dhe nuk ka fjalë më madhore dhe më të ëmbël se fjala e Allahut
– Dhe askush nuk është më i ditur se Ai për vetën e Tij .
Këto janë disa rregulla që duhet t’i mësosh .
Kur të qëndrosh para Allahut në Namazin e natës fillo t’i lexosh këto ajete ku Allahu lavdëron Vetën e Tij dhe pastaj përsëriti disa herë derisa zemra jote të zbutet dhe sytë e tu të lotojnë dhe kështu gradualisht me kalimin e kohës do të gjesh që zemra e jote nuk do të qetësohet me asgjë pos me përmendjen e Allahut .
Allahu i Madhëruar Thotë :
“ 45. A nuk e sheh se si Zoti yt e zgjati (andej e këndej) hijen, e sikur të kishte dashur do ta linte në një vend, pastaj diellin e bëmë rrëfyes të saj.
- Pastaj Ne atë e tërheqim pak nga pak.
- E ai është që natën ua bëri petk, gjumin pushim e ditën e bëri për gjallërim.”[3]
Këto janë gjëra konkrete që t’i i sheh para se të flesh e nëse i lidhë me Krijuesin tendë do të rritet bindja ndaj Tij .
“ 48. Edhe Ai është, që i lëshon erërat myzhde në prag të mëshirës së Tij (shiut) dhe Ne lëshuam prej qiellit ujë të pastër.
- Që me të t’i japim jetë një toke të vdekur dhe që t’u japim të pijnë atyre që i krijuam, kafshë e shumë njerëz.
- Ne shumëherë ua përkujtuam atyre këto fakte që të mendojnë, por shumica e njerëzve nuk deshtën tjetër pos refuzimin.[4]”
Allahu i Madhëruar thotë në fund të sures Hashër
“Ai është All-llahu që nuk ka zot tjetër; vetëm Ai, që e di të fshehtën dhe të dukshmen, Ai është Mëshiruesi, Mëshirëbërësi!
Ai është All-llahu që nuk ka zot tjetër përveç Tij, sundues i përgjithshëm, i pastër (prej të metave që i mvishen), shpëtimtar (që i shpëton njerëzit prej ndëshkimit të padrejtë), sigurues (që i siguroi njerëzit me premtimin e vet dhe pejgamberët me mrekulli) mbikëqyrës (që mbikëqyr dhe përcjell çdo send), i plotfuqishëm, mbizotërues, i madhërishëm. I lartësuar është All-llahu nga çka i shoqërojnë!
. Ai është All-llahu, Krijuesi, Shpikësi, Formësuesi. Të tij janë emrat më të bukur. Atë (All-llahun) e madhëron çka ka në qiej e në tokë dhe Ai është ngadhënjyesi, i urti!”[5]
Ku janë poetët, shkrimtarët , oratorët që me gjuhën e tyre dhe lapsat e tyre munohen t’i largojnë njerëzit nga rruga e Allahut .
Ky është ushqimi i vërtet zemrave të besimtarëve që zmra e tij nuk ngopet kurë dhe nuk ha tjetër mos këtij ushqimi .
[1] Fusilet 41-43 .
[2] Merjem , 58
[3] Furkan, 45-47 .
[4] Furkan, 48-50 .
[5] Hashër, 22-24
Përktheu Rashit Zylfiu
